Ndege zilizoundwa China kuhimiza maendeleo ya sekta ya usafiri wa anga Afrika

Katibu Mkuu wa Shirikisho la Mashirika ya Ndege la Afrika Abderahmane Berthe amesema ujio wa ndege zilizoundwa na China kwenye soko la usafiri wa anga la Afrika unatarajiwa kuimarisha muunganiko, kupunguza gharama na kusaidia upanuzi wa mashirika ya ndege ya Afrika.

Bw. Berthe ameliambia shirika la habari la China, Xinhua kuwa sekta ya usafiri wa anga ya China inazalisha ndege zenye ufanisi mkubwa zinazotambulika kimataifa.

Akiongea pembezoni mwa Kongamano la Usafiri wa Ndege wa Kisasa la Afrika Bw. Berthe amesema upatikanaji wa ndege za kibiashara zilizoundwa China unatoa ufumbuzi wa kuimarisha ufanisi wa mashirika ya ndege ya Afrika.