Benki ya Dunia yaiweka Tanzania katika nafasi ya juu kwenye mageuzi ya kidijitali ya sekta ya umma

Tanzania ni miongoni mwa nchi nne za Afrika zilizojumuishwa katika kundi la mataifa 69 yaliyoteuliwa kuwa viongozi duniani katika mageuzi ya kidijitali kwenye sekta ya umma, uamuzi ambao umepokelewa vyema na waangalizi.

Kwa mujibu wa Ripoti ya Benki ya Dunia ya 2022 ya ‘Government Tech Maturity Index (GTMI)’, nchi nyingine za Afrika kwenye orodha hiyo ni pamoja na Cape Verde, Misri na Uganda.

Pamoja na nchi nyingine 68 kati ya 198 zilizochambuliwa, Tanzania imewekwa katika kundi A, ambalo limeainishwa kama viongozi ambao wamekuwa wakitumia ufumbuzi wa kidijitali wa hali ya juu au wa kibunifu na kuonesha ufanisi mzuri katika maeneo yote manne ya mageuzi ya kidijitali.