Marekani "inaongoza katika nchi zilizoendelea kwa mauaji": makala

Askari wa Usalama wa Taifa akiwatawanya watembea kwa miguu baada ya mtu mmoja aliyekuwa akionyesha silaha nje ya eneo la Ikulu ya Marekani, White House kupigwa risasi mjini Washington, D.C., Marekani, Mei 20, 2016. (Xinhua/Yin Bogu)

NEW YORK - Jaribio la kutekwa nyara kwa Spika wa Bunge la Marekani Nancy Pelosi lilikuwa ni kitendo kiovu na cha kuchukiza ambacho kinaonyesha utamaduni wa kisiasa wa Marekani unaozidi kuwa sumu, na pia linaonyesha taifa linaloongoza ulimwengu wa nchi zilizoendelea katika mauaji, imesema makala ya maoni iliyochapishwa kwenye tovuti ya Bloomberg siku ya Ijumaa wiki iliyopita.

"Hakuna nchi nyingine yenye mapato ya juu hata inayokaribia kufikia kiwango cha mauaji ya Marekani, na sababu ya msingi ni rahisi: Hakuna nchi nyingine inayofanya iwe rahisi kwa watu hatari kupata bunduki - na kuzibeba, bila mahitaji yoyote ya mafunzo ya usalama," inasema makala hiyo iliyoandikwa na Michael R. Bloomberg, mwanzilishi na mmiliki wa hisa nyingi wa Kampuni ya Bloomberg LP, kampuni inayomiliki Bloomberg News.

Visu, bila shaka, vinaweza kuua watu. Vivyo hivyo na nyundo. Lakini vina uwezekano mdogo sana wa kuua walengwa wao, kuua watu wasio na hatia, kuua watoto wanaojikwaa, kuua watu ambao wamekusanyika shuleni, maduka makubwa, kumbi za sinema, nyumba za ibada na sehemu nyingine za umma -- au kuua watu katika nyumba zao wenyewe, imesema makala hiyo.

Katika jaribio hilo la utekaji nyara, mshambulizi huyo, aliyetumia nyundo aliingia katika nyumba ya Spika Pelosi na kumwacha mume wake, Paul, akiwa amejeruhiwa vibaya sana. “Ukweli ni kwamba: Inaelekea Paul Pelosi yuko hai kwa sababu mshambuliaji wake hakuwa na bunduki,” imesema makala hiyo.

"Spika Pelosi amekuwa mtetezi mkubwa wa utungaji wa sheria ya usalama wa bunduki. Lakini hatua nyingi za busara -- kama vile kuziba mianya inayoruhusu bunduki kuuzwa bila ukaguzi wa kihistoria ya mnunuzi na kuwataka watu kukamilisha mafunzo ya usalama kabla ya kununua bunduki -- zimezuiliwa na wabunge wa Bunge la Congress ambao hufanya zabuni ya tasnia ya bunduki na wazengezi wake, ambao wana nia zaidi ya kuongeza faida kutokana na mauzo ya bunduki kuliko kulinda umma dhidi ya uhalifu wa vurugu," imeongeza.